На 8ми декември во клубот Havana ќе настапат Born from pain, со почеток од 20:30.

BORN FROM PAIN е Холандски бенд кој е основан во '97, како еден од првите, воеднo и најголеми, Европски бендови кои свират металкор/кросовер стил на музика, под влијание на Merauder, Stigmata, Earth Crisis, All Out War, Bolt Thrower, Obituary, Integrity, Testament, Slayer, Agnostic Front и Crumbsuckers.

По издавањето на нивното прво ЕP "Immortality" во 1999, брзо следеше и првиот албум "Reclaiming The Crown" во 2000.

Во 2003 тие го издадоа и вториот албум "Sands Of Time" кој беше неверојатно добро прифатен насекаде и го пренесе бендот на едно ново ниво. Многуте турнеи во САД и Јапонија го привлекоа вниманието на музичките издавачки гиганти Metal Blade Records, под чие име го издадоа албумот "In Love With The End" во 2005.

Следеа неколку интензивни години на турнеи со бендови како Hatebreed, Napalm Death, Six Feet Under, Madball, Sick of it All, како и настапи на фестивалите Wacken Open Air, With Full Force Open Air, Waldrock Festival, Pressure Fest, Hell Fest и многу други, како низ Европа, така и во Јужна Америка.

Четвртиот албум "War" го издадоа во 2006, а во 2008 Born from Pain го промовираа последниот албум Survival, и понатаму под закрила на Metal Blade Records.

Коментари (0)